Բաքվում ավարտվել են Ադրբեջանի, Թուրքիայի, Պակիստանի զորավարժությունները

ԵՐԵՎԱՆ ՍԵՊՏԵՄԲԵՐԻ 21,  24News

պակիստան

Սեպտեմբերի 20-ին Բաքվում տեղի է ունեցել Ադրբեջանի, Թուրքիայի և Պակիստանի հատուկ նշանակության ջոկատների մասնակցությամբ «Երեք եղբայր-2021» միջազգային զորավարժությունների փակման արարողությունը։

Ադրբեջանական լրատվամիջոցները հայտնում են որ երկրի պաշտպանության նախարարը հայտնել է, թե նմանատիպ զորավարժություններ կանցկացվեն նաև հետագայում:

«Զորավարժությունները զգալի ներդրում ունեցան մեր զորքերի կարողությունների և ունակությունների զարգացման գործում: Այս զորավարժությունները ևս մեկ անգամ ցույց տվեցին մեր ԶՈւ-ի՝ ցանկացած հանձնարարություն համատեղ կատարելու պատրաստակամությունն ու կարողությունը»,- ասել է ադրբեջանցի նախարարը:

Զորավարժություններն անցկացվել են «Կեցցե Ադրբեջանի, Պակիստանի և Թուրքիայի եղբայրությունը» կարգախոսի ներքո:

 --00—ՄՀ