Իշխանության զիջողական քայլերից Ալիևը և Էրդողանը լկտիանում են

ԵՐԵՎԱՆ, ՕԳՈՍՏՈՍԻ 31, 24News

«Նիկոլ Փաշինյանը հայկական տեղանունների փոխարեն ադրբեջանական անունները պատահական չգործածեց։ Չեմ կարծում, որ մարդն այդքան անխելք լինի՝ նման ձևակերպում տալու համար։ Բացի դրանից, հայտարարությանը հաջորդեց ԱԺ-ի արտաքին հարաբերությունների մշտական հանձնաժողովի նախագահ Էդուարդ Աղաջանյանի հիմնավորումը, թե Փաշինյանը ցույց էր տալիս, որ ադրբեջանցիները չեն մտել Հայաստանի տարածք, այլ ադրբեջանական տարածքում են։ Սա ցույց է տալիս, որ Հայաստանը ևս մեկ անգամ զիջում կատարեց Ալիևին»,- անդրադառնալով սահմանային լարվածությանը՝ այս մասին 24News-ին ասաց «Հայաստան» խմբակցության պատգամավոր Գեղամ Մանուկյանը։

Նա նշեց, որ իշխանությունը պետք է խիստ լինի իր հայտարարությունների և գործողությունների մեջ։

«Իշխանությունը պետք է խոսք ասող լինի, սակայն ամեն օր զիջողական քայլերով, խաղաղության կարգախոսի տակ ամեն ինչի զիջման պատրաստակամությունից էրդողանն ու Ալիևը լկտիանում են»,-հավելեց պատգամավորը: 

Մանրամասները՝ տեսանյութում։

--00--ԿԿ