ԱՄՆ պետդեպը ուրախ է արձանագրել, որ ՀՀ-ն քայլեր է ձեռնարկում թրաֆիքինգի դեմ պայքարում. Լիա

ԵՐԵՎԱՆՀՈՒԼԻՍԻ 30, 24News   

Միլեր

Մարդկանց թրաֆիքինգի և շահագործման դեմ պայքարելու համար անհրաժեշտ է, որպեսզի ամբողջ միջազգային հանրությունը համախմբվի և նույնականացնի, թե որտեղ են նման հանցավոր դեպքերը տեղի ունենում: Ինչպես տեղեկացնում է «Արմենպրես»-ը, հուլիսի 30-ին Թրաֆիքինգի դեմ պայքարի միջազգային օրվան նվիրված միջոցառման ժամանակ այս մասին ասել է ԱՄՆ փոխդեսպանի պաշտոնակատար Լիա Միլերը:

«Որպեսզի այս չարիքի դեմ պայքարենք միջազգային մակարդակով, պետք է բարձրացնենք մարդկանց իրազեկվածությունը՝ ներկայացնելով, թե ինչ է թրաֆիքինգը: Մենք պետք է զոհերին ցույց տանք, թե որտեղ կարող են նրան դիմել օգնության, որովհետև երբեմն նրանք չգիտեն, ում կողմից օգնություն խնդրեն»,- ասել է ԱՄՆ փոխդեսպանի պաշտոնակատարը:

Լիա Միլերը նշել է, որ ԱՄՆ պետական դեպարտամենտն ուրախ է արձանագրել, որ Հայաստանը քայլեր է ձեռնարկել այս ուղղությամբ:

«Այս տարվա հաշվետվության մեջ ավելի մանրամասն է նշված: Գիտեք, որ ունենք լավ գործընկերներ, որպեսզի Հայաստանում բարելավենք թրաֆիքինգի դեմ պայքարը: Այդ պատճառով աջակցում ենք «Վորլդ Վիժն» կազմակերպության կողմից իրականցվող ծրագրին:

Մարտահրավերները շատ են թրաֆիքինգի և շահագործման խնդիրներով, բայց մենք պետք է կարողանանք քանդել ժամանակակից ստրկության շղթաները: Մենք ոչ միայն զոհերի համար ենք պայքարում, այլև հենց մեզ համար, որովհետև ուրիշի արժանապատվությունը պաշտպանելով՝ պաշտպանում ենք մեր արժանապատվությունը»,- եզրափակել է Միլերը:

--00--ԱԹ

Տեսանյութեր

Live

Լրահոս