ԵՐԵՎԱՆ, ՀՈՒԼԻՍԻ 30, 24News
Ռուսական խաղաղապահ զորակազմի զինծառայողներն ապահովել են անվտանգությունը Լեռնային Ղարաբաղի Մարտունու շրջանի հնագույն Ամարաս վանք ուխտավորների այցի նախօրեին:
Սահմանազատման գծի մոտակայքում գտնվող վանական համալիրի օբյեկտներում պատարագի նախօրեին խաղաղապահները միջոցներ են ձեռնարկել հրադադարի ռեժիմի պահպանումը վերահսկելու, ինչպես նաև ուխտավորների Ստեփանակերտ - Ամարասի վանք և հետադարձ երթուղու ավտոշարասյան տեղաշարժի անվտանգությունն ապահովելու համար:
Ընդհանուր առմամբ, Ամարասի վանքին հարող ավելի քան 20 օբյեկտ և մոտ 5 հեկտար տարածք ստուգվել են կասկածելի անձանց և առարկաների առկայության համար:
Ամարասը վաղ միջնադարյան հայկական վանքերից է, որը գտնվում է Լեռնային Ղարաբաղի հարավարևելյան մասում: Միջնադարյան Հայաստանում այն ունեցել է նշանավոր կրոնական և մշակութային կենտրոնի կարգավիճակ: 2020-ի նոյեմբերի 9-ին համաձայնագրի ստորագրման արդյունքում Ամարասի վանքը մնում է շփման գծին մոտ՝ Ռուսաստանի խաղաղապահների պատասխանատվության գոտում:
--00—ՄՀ