ԵՐԵՎԱՆ, ՀՈՒԼԻՍԻ 26, 24News
Կառաջադրի «Պատիվ ունեմ» դաշինքը փոխխոսնակի թեկնածու, թե՝ ոչ, կախված է ընդդիմադիր երկու ուժերի խորհրդակցությունների արդյունքից։ Այս մասին այսօր՝ հուլիսի 26-ին, NEWS.am-ի հետ զրույցում ասել է «Հայրենիք» կուսակցության մամուլի խոսնակ Սոս Հակոբյանը՝ անդրադառնալով ՔՊ-ից ընտրված պատգամավոր Ալեն Սիմոնյանի հայտարարությանը, թե ԱԺ ընդդիմադիր փոխխոսնակը պետք է լինի «Պատիվ ունեմ» դաշինքից։
«Այսպիսի հարցերը պետք է լուծվեն երկու ընդդիմադիր ուժերի կոնսուլտացիայի արդյունքում, այլ ոչ թե իշխանության։ Երկու ընդդիմադիր խմբակցությունները նման հարցերում պետք է համագործակցեն և ոչ թե հակասությունների գնան»,- նշեց նա։
--00--ԱՀ