ԵՐԵՎԱՆ, ՀՈՒLԻՍԻ 18, 24News
ՀՀ 8-րդ գումարման Ազգային ժողովն իր անդրանիկ նիստը կանցկացնի հուլիսի 26-ին: Այս մասին NEWS.am-ին հայտնել է ՀՀ Արդարադատության նախկին նախարար Գևորգ Դանիելյանը:
«Հուլիսի 26-ին նիստ կհրավիրեն, քանի որ նրանք առաջադրել են վարչապետի թեկնածու, նախագահը կստորագրի, արդեն կսկսեն նրանք ընտրել ԱԺ նախագահ, տեղակալներ եւ այլն»,-ասաց նա:
Արտահերթ խորհրդարանական ընտրությունների արդյունքներով «Քաղաքացիական պայմանագիր» կուսակցությունը ստացել է 71 մանդատ, «Հայաստան» դաշինքը` 29, «Պատիվ ունեմ» դաշինքը` 7։
Նշենք, որ «Քաղաքացիական պայմանագիր» կուսակցությունը ստացել էր 658 761 ձայն կամ ընտրողների ձայների 53.91%–ը, «Հայաստան» դաշինքը ստացել է 269 481 ձայն կամ 21.09%–ը, «Պատիվ ունեմ» դաշինք` 66 650 քվե կամ 5.22%։
Հիշեցնենք` արտահերթ խորհրդարանական ընտրություններին մասնակցում էին 21 կուսակցություն և 4 դաշինք։
Կուսակցությունների համար անցողիկ շեմը 5 տոկոս է, դաշինքների համար՝ 7 տոկոս։
Հայաստանի Սահմանադրական դատարանը երեկ ուժի մեջ թողեց ԱԺ արտահերթ ընտրությունների վերաբերյալ ԿԸՀ որոշումը:
Հիշեցնենք՝ քաղաքական 4 ուժեր՝ «Հայաստան» եւ պատիվ ունեմ» դաշինքները, ինչպես նաեւ «Զարթոնք» եւ «Հայոց Հայրենիք» կուսակցությունները, դիմել էին ՍԴ՝ վիճարկելու Կենտրոնական ընտրական հանձնաժողովի հրապարակած՝ ընտրությունների վերաբերյալ վերջնական արդյունքները։
--00--ԱՀ