Հունաստանի հայ համայնքը բողոքի նոտա է հղել դեսպանի՝ Արցախի օկուպացված շրջաններ այցի համար

ԵՐԵՎԱՆՀՈՒԼԻՍԻ 14, 24News

․

Հունաստանի հայկական համայնքը երկրի ԱԳ նախարար Նիկոս Դենդիասին բողոքի նոտա է հղել Ադրբեջանում Հունաստանի դեսպան Նիկոլայոս Պիպերիգոսի՝ Արցախ այցի կապակցությամբ:

Հունաստանի Հայկական ազգային հանձնաժողովը բաց նամակ է հղել Դենդիասին, որում, մասնավորապես, նշված է.

«Ի զարմանս և մեծ անհանգստություն մեզ՝ տեղեկացանք Ադրբեջանում Հունաստանի դեսպան պարոն Նիկոլաոս Պիպերիգոսի` Ալիևի ռեժիմի կողմից կազմակերպված սադրիչ ֆիեստային մասնակցելու մասին, որը տեղի է ունեցել Արցախում, մասնավորապես, օկուպացված Շուշի քաղաքում:

Բառացիորեն հետեւելով Անկարայի պահանջներին և նմանատիպ սադրիչ խնջույքներին, որոնք կազմակերպել էր Էրդողանը օկուպացված Կիպրոսում, Ադրբեջանի նախագահը հրավիրեց պետությունների ներկայացուցիչներին «տոնել» իր հետ: Ի՞նչը տոնել:

Ադրբեջանի ատելությամբ լի գործողությունները, որը շարունակում է խախտել պայմանավորվածությունները և ներխուժել Հայաստանի ինքնիշխան տարածք, թե՞ «պատվել» բռնապետին, որն Արցախում աղետալի պատերազմի ավարտից հետո անօրինական կերպով պահում է հայ ռազմագերիներին ու խաղաղ բնակիչներին:

Պատահական չէր, որ Մինսկի խմբի երկրները (Ռուսաստան, ԱՄՆ, Ֆրանսիա), ինչպես նաև Գերմանիան և Միացյալ Թագավորությունը հրաժարվեցին ձեռնպահ մնալ խայտառակ ֆիեստայից, որը նպատակ ուներ ապակողմնորոշել հասարակության կարծիքը Ադրբեջանի սարսափելի հանցագործություններից:

Ցավոք, Հունաստանը պետք է առաջինը արձագանքեր, քանի որ այցը կազմակերպվել էր պատմական Ղազանչեցոց տաճարի սրբավայրի ներսում, քայքայված գմբեթով և վանդալիզմի դարձմամբ հիշեցնող նմանատիպ պրակտիկան Սոֆիայի դեպքը Կոստանտնուպոլսում:

Մենք կարծում ենք, որ պետությունների, բայց հիմնականում Հունաստանի ներկայացուցիչների մասնակցությունը այս այցին խրախուսում է Ալիևի աղաղակող ու ամբարտավան ռեժիմը: Ի վերջո, թարմ են հիշողությունները Հունաստանի դեմ Ադրբեջանի նախագահի ամոթալի հայտարարություններից՝ Բաքվում պարոն Պիպերիգոյի հավատարմագրերը հանձնելու ժամանակ:

ՀՅԴ Հայ դատի Հունաստանի հանձնախումբը, ինչպես նաև Հունաստանի հայ համայնքը խորին դժգոհությունն են հայտնում այս ծաղրերգությանը մեր երկրի ներկայացուցչի մասնակցության առթիվ:

Դուք շատ լավ գիտեք, որ Ադրբեջանը, հավատարմորեն պատճենելով իր դաստիարակին, կոպտորեն խախտում է միջազգային իրավունքի նորմերը: Ո՞րն է Հունաստանի կողմից տրամադրվող աջակցության նպատակը այս կրիտիկական շրջանում:

Հայաստանը Հունաստանին համարում է իր ամենակարևոր դաշնակիցը: Մենք ուզում ենք հավատալ, որ նույնը վերաբերում է Հունաստանին:

--00--ԱՀ