Սուբվենցիոն ծրագրով կհիմնանորոգվի Ծովակ համայնքի 1-ին փողոցը

ԵՐԵՎԱՆ, ՀՈՒՆԻՍԻ 30, 24News

նկար

Միջգերատեսչական հանձնաժողովի կողմից հավանության արժանացած ծրագրերի ցանկում է Ծովակ համայնքի 1-ին փողոցի հիմնանորոգման ծրագիրը։ Մարտունի-Վարդենիս մայրուղուց Ծովակ մտնող ճանապարհը կասֆալտապատվի 906 գծամետր երկարությամբ և 4530 քառակուսի մետր ընդհանուր մակերեսով։

Ծրագրի նախնական ընդհանուր արժեքը կազմում է 70 միլիոն 360 հազար դրամ, որի 40 տոկոսը կամ 28 միլիոն 144 հազար դրամը հատկացնում է ՀՀ կառավարությունը, 60 տոկոսը կամ 42 միլիոն 216 հազար դրամը՝ Ծովակի համայնքապետարանը։

Հիմնանորոգվող փողոցը հատվում է Ծովակ-Լճավան-Մաքենիս–Ախպրաձոր միջհամայնքային նշանակության ճանապարհին, որի հիմնանորոգման աշխատանքներն այժմ ընթացքի մեջ են։

Շինարարական աշխատանքների մրցույթը կհայտարարվի առաջիկայում։

--00—ԼՄ