ԵՐԵՎԱՆ, ՀՈՒՆԻՍԻ 4, 24News
Միջազգային հանրության հայտարարություններից հետո Ադրբեջանի նկատմամբ լինելու են սանկցիաներ, իսկ եթե Միացյալ Նահանգները սանկցիա կիրառի, Ադրբեջանը փխրուն, տնտեսություն չունեցող պետություն է, շատ արագ կարող է փլվել։ Իրենք լավ հասկանում են այս պետությունների հայտարարությունների լրջությունը։ Այս մասին 24News-ի հետ զրույցում ասաց ԱԺ պատգամավոր Սերգեյ Բագրատյանը:
«Ռուսաստանի ռազմական ներկայությունից Ադրբեջանը պետք է հետևություններ անի, նրանք նպատակ ունեն ազդելու Հայաստանի ներքաղաքական վիճակի վրա: Հայաստանում ընտրություններ են լինելու, և Ադրբեջանը չի ցանկանում, որ մեզ մոտ ժողովրդավարական ընտրություններ տեղի ունենան, որպեսզի հավասարության նշան դրվի Ադրբեջանի ավտորիտար ռեժիմի և հայկական իրականության միջև»,-ասաց Բագրատյանը։
Հարցին, թե հայ-ադբեջանական սահմանին արևմտյան երկրների խաղաղապահներ տեղակայելու վերաբերյալ Նիկոլ Փաշինյանի առաջարկն արդյո՞ք չի ազդի հայ-ռուսական հարաբերությունների վրա, Բագրատյանը նշեց, որ, Ռուսաստանը, ռազմական ներկայություն ունենալով հայ-ադրբեջանական և հայ-թուրքական սահմանին, ճնշման է ենթարկվում Թուրքիայի և թուրքալեզու երկրների կողմից, և չպետք է դիտարկել, որ Հարավային Կովկասում Ռուսաստանը ցանկանում է ունենալ բացարձակ ներկայություն։
«Հարավային Կովկասում Ռուսաստանի ազդեցության գոտի լինելու համակարգը վաղուց ամրագրված է, այնպես չէ, որ ԱՄՆ ու Ֆրանսիան այս թնջուկը լուծեն, իրավիճակը կփոխվի։ Հնարավոր է նաև, որ Ֆրանսիան և Միացյալ Նահանգները համաձայնեն, որ ռուս խաղաղապահները աշխատեն այդ տարածքում, բայց միջազգային մանդատով։ Այս դեպքում ավելի կհզորանան և՛ մեր, և՛ ռուսների դիրքերը:
Իրանի սահմանի հետ իրավիճակը նուրբ է՝ կախված ԱՄՆ-ից։ Մյուս կողմից էլ օր-օրի երկու երկրների հարաբերությունները ջերմանում են․ երկար տարիների արգելքից հետո իրանական նավթ արտահանվեց ԱՄՆ ընդամենը երկու օր առաջ։ Սա նշանակում է, որ սառույցը հալվում է: Իրանի Իսլամական Հանրապետության կարմիր գիծը անցնում է Հայաստանի Հանրապետության սահմանով, այսինքն՝ Հայաստանի սահմանի խախտումը Իրանը չի ընդունելու և հայկական կողմի հետ համադրվող մոտեցում ունի»,-նշեց պատգամավորը:
Մանրամասները՝ տեսանյութում։