Մասիս քաղաքի աղբավայրում բռնկված հրդեհի մարման աշխատանքները դադարեցվել են

ԵՐԵՎԱՆ, ՄԱՅԻՍԻ 31, 24News

․

Մասիս քաղաքի աղբավայրում բռնկված հրդեհի հրդեհաշիջման աշխատանքները դադարեցվել են։ Հետագա կանխարգելիչ աշխատանքներն իրականացվելու են Մասիս քաղաքի աղբավայրի աշխատակիցների կողմից։ Այս մասին տեղեկացնում է ՀՀ ԱԻ նախարարությունը:

ԱԻՆ ՓԾ Երևան քաղաքի և մարզային փրկարարական վարչությունների հրշեջ-փրկարարական ջոկատներն ինը օր շարունակ հրդեհաշիջման աշխատանքներ և հերթապահություն են իրականացրել Մասիս քաղաքի աղբավայրում:

Հիշեցնենք, որ մայիսի 22-ին Արարատի մարզային ճգնաժամային կառավարման կենտրոն տեղեկություն է ստացվել, որ Մասիս քաղաքի աղբավայրում հրդեհ է բռնկվել:

--00--ԱՀ