«Զվարթնոց» արգելոց-թանգարանում կանցկացվի Տոլմայի համահայկական 10-րդ փառատոնը

ԵՐԵՎԱՆ, ՄԱՅԻՍԻ 21, 24News

նկար

Մայիսի 22-ին՝ ժամը 13-ին, «Զվարթնոց» պատմամշակութային արգելոց-թանգարանում կանցկացվի Տոլմայի համահայկական հոբելյանական 10-րդ փառատոնը։

Միջոցառումը նախաձեռնել են «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ը և «Հայ խոհարարական ավանդույթների զարգացման և պահպանման» հասարակական կազմակերպությունը։

Փառատոնին կմասնակցեն տարբեր կազմակերպություններ ներկայացնող հմուտ խոհարարներ։ Կանցկացվի մրցույթ երեք անվանակարգերում՝ լավագույն համ, լավագույն տեսք, լավագույն մտահղացում, գլխավոր մրցանակ կտրվի բացարձակ հաղթողին։

Միջոցառումը կուղեկցվի ազգային երգերի կատարումներով ու պարային խմբերի ելույթներով։

--00—ԼՄ