Երևան-Սևան մայրուղու վթարի հետևանքով 18-ամյա վարորդը տեղում մահացել է․ մանրամասներ

ԵՐԵՎԱՆ, ՄԱՅԻՍԻ 15, 24News

Մայիսի 17-ին՝ ժամը 06:42-ին, Ճգնաժամային կառավարման ազգային կենտրոն ահազանգ է ստացվել, որ Երևան-Սևան ավտոճանապարհին տեղի է ունեցել ՃՏՊ․ կան արգելափակված քաղաքացիներ:

Դեպքի վայր են մեկնել ԱԻՆ ՓԾ Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը և մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Երևան-Սևան ավտոճանապարհի 13-րդ կմ-ին «Nissan Altima» մակնիշի ավտոմեքենան դուրս է եկել ավտոճանապարհի երթևեկելի հատվածից և բախվել ճամփաբաժան արգելապատնեշին, ինչի հետևանքով ավտոմեքենայի վարորդը տեղում մահացել է, իսկ ուղևոր Ա․ Չ․-ն (ծնված 2003 թ․) հոսպիտալացվել է Աբովյան քաղաքի ԲԿ։

Փրկարարները հոսանքազրկել են ավտոմեքենան, սահմանազատել տարածքը և իրականացրել են ավտոճանապարհի լվացման աշխատանքներ:

Ավելի վաղ տեսանյութ էին հրապարակել՝ հայտնելով, որ Երևան-Սևան մայրուղու՝ «Արծվի թև» կոչվող հատվածում խոշոր ավտովթար է եղել։

--00--ԼՄ

Տեսանյութեր

Live

Լրահոս