Կութ գյուղում ադրբեջանցիները 50-ական խմբերով եկել, հովիվից պահանջել են հեռանալ. պատգամավոր

ԵՐԵՎԱՆ, ՄԱՅԻՍԻ 15, 24News

նկար

Անկախ պատգամավոր Թագուհի Թովմասյանը ֆեյսբուքյան էջում գրառում է արել Գեղարքունիքի մարզ այցից և կից տեսանյութ հրապարակել:

«Այսօր եղել եմ Գեղարքունիքի մարզի սահմանային բնակավայրերում։ Տեղում զրուցել եմ գյուղացիների հետ, անձամբ դիտարկել ստեղծված բարդ իրավիճակը և վերստին արձանագրել իմ խորը մտահոգությունները՝ առկա սահմանային իրավիճակի վերաբերյալ։

Բնակիչների հետ հանդիպումներից մեկի ժամանակ Կութ համայնքի հովիվը նշեց, որ ինքը միայնակ է եղել արոտավայրում, երբ ադրբեջանցիները 50-ական խմբերով եկել են և հովիվից պահանջել հեռանալ։ Հովիվը կապ է հաստատել գյուղացիների հետ, կովերը հավաքել և իջել։

Այս պահին ադրբեջանցիները գյուղից մի քանի կմ հեռավորության վրա են, կարողանում են դիտարկել այն և չեն նահանջում։

Գեղարքունիքում էր նաև ՀՀ մարդու իրավունքների պաշտպան Ա․ Թաթոյանը։

Ամփոփելով ցանկանում եմ տեղեկացնել, որ Ա․ Թաթոյանի հետ արձանագրեցինք բոլոր սահմանային խախտումները, ինչպես նաև սահմանային բնակիչների իրավունքների խախտումները, որոնք բանակցությունների ընթացքում քննության առարկա պիտի դառնան, քանի որ ադրբեջանցիները ոտնձգություն են իրականացրել և խախտել Հայաստանի Հանրապետության պետական սահմանը»,-գրել է նա։

Տեսանյութը՝ այստեղ:

--00—ԼՄ