Իրավիճակը Սյունիքում և Վարդենիսում․ ի՞նչ է տեղի ունեցել իրականում

ԵՐԵՎԱՆ, ՄԱՅԻՍԻ 12, 24News

Ադրբեջանցիների ախորժակը կրկին մեծացել է։ Հիմա էլ ուզում են համոզել, թե Սյունիքի մարզի Իշխանասարի հատվածում գտնվող Սև լիճն իրենցն է։ 

Հակառակորդի զինուժը գիշերը առաջ է գնացել Սյունիքի Սև լիճ կոչվող հատվածի ուղղությամբ՝ պատճառաբանելով, թե սահմաններն են ճշգրտում։

Տևական լռությունից հետո Պաշտպանության նախարարությունը հայտարարեց, որ հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են առաջխաղացման աշխատանքները և այս պահին ընթանում են բանակցություններ՝ ստեղծված իրավիճակը հարթելու ուղղությամբ։

Ինչպես հայտնում են 24News-ի աղբյուրները, հայկական ստորաբաժանումները ադրբեջանցիների հետ մի քանի անգամ բանակցությունների մեջ են մտել՝ պահանջելով հետ գնալ, սակայն հակառակորդն անդրդվելի է մնացել, որից հետո մեր ստորաբաժանումները բերվել են մարտական ամենաբարձր պատրաստության։

Գործին միջամտել են ռուսական խաղաղապահ ուժերը։

Իշխանական պատգամավոր Անդրանիկ Քոչարյանը տեղի ունեցածը կապում է քաղաքական գործընթացների հետ և նշում՝ հակառակորդը մեր քաղաքական կյանքում լարվածություն առաջացնելու նպատակ ունի։

Մանրամասները՝ տեսանյութում։