Նիկոլը ձեռքերը լվացել է Արցախից. այս կրկեսը դեռ երկար կշարունակվի. Տիգրան Աբրահամյան

ԵՐԵՎԱՆ, ՄԱՅԻՍԻ 4, 24News

«Դիտարկելով մի շարք իրողություններ, կարող եմ ասել, որ եթե իշխանությունները շարունակեն վարել նույն քաղաքականությունը, անկասկած, իրադարձություններն անխուսափելի են դարձնելու Արցախի ողջ տարածքի նկատմամբ Ադրբեջանի վերահսկողությունը»,- այս մասին 24TV-ի եթերում ասել է «Հենակետ» վերլուծական կենտրոնի ղեկավար Տիգրան Աբրահամյանը:

Նրա խոսքով՝ Արցախում լրջորեն խաթարված է անվտանգային համակարգը։ Ճիշտ է, այսօր կան ռուսական ներկայությունն ու երաշխիքները, սակայն նախ ձեռք բերված պայմանավորվածությունները 5 տարի ժամկետով են, և 2-րդ՝ որևէ մեկը չգիտի, թե 5, 10 տարի հետո ինչ արտաքին կուրս կունենա ՌԴ-ն և արդյոք ռուսական շահից կբխի Արցախում զորախումբ ունենալը։

«Հայաստանի իշխանությունները ձեռքերը լվացել են այս ողջ գործընթացից: Այս իշխանությունը չի պատկերացնում ՀՀ-ն մեկ, երկու կամ երեք տարի հետո, առավել ևս չունի ռեսուրս, այդ թվում քաղաքական, խնդիրներն ըստ հրատապության լուծելու համար։ Ի դեպ, սա վերաբերում է սահմանային անվտանգությունից մինչև սոցիալ-տնտեսական վերջին հարցեր»,-ասել է Աբրահամյանը:

Մանրամասները՝ տեսանյութում: 

--0--ԿԿ