Բերքանուշ գյուղի 47-ամյա բնակչի մոտից հայտնաբերվել է 170 գրամից ավելի մարիխուանա

ԵՐԵՎԱՆ, ՄԱՅԻՍԻ 4, 24News

Ոստիկանության Արտաշատի բաժնի ծառայողները տեղեկություններ էին ստացել, որ Բերքանուշ գյուղի 47-ամյա մի բնակիչ մեքենայում թմրանյութ է պահում և օգտագործում:

Տեղեկությունների իսկությունը ստուգելուց հետո ոստիկանները մայիսի 3-ին Արտաշատ քաղաքի ռեստորաններից մեկի մոտից կասկածվողին, «ԳԱԶ-322132» մակնիշի մեքենայով հանդերձ, բերման ենթարկեցին ոստիկանության Արտաշատի բաժին: Մեքենայի զննությամբ հայտնաբերվեց թղթե տուփով կանեփանման բույսի մանրացված, չորացված զանգված: Ըստ բերման ենթարկվածի` հայտնաբերվածը թմրանյութ է, որի հումքը աշնանը քաղել էր վայրաճ կանեփի թփերից և պատրաստել իր օգտագործման համար:

Փաստի առթիվ նախապատրաստվում են նյութեր:

--0--ԿԿ

Տեսանյութեր

Live

Լրահոս