ԵՐԵՎԱՆ, ԱՊՐԻԼԻ 28, 24News
Թուրքիայի նախագահ Ռեջեփ Թայիփ Էրդողանը խորամանկ քաղաքական գործիչ է, ամերիկյան բազաները վերացնելը նրա համար ձեռնտու չի լինի: Այս մասին «Ժուռնալիստսկայա պրավդա»-ին հայտնել է Մերձավոր Արեւելքի և Կենտրոնական Ասիայի ուսումնասիրման կենտրոնի տնօրեն Սեմյոն Բաղդասարովը` անդրադառնալով հարցին՝ արդյո՞ք Թուրքիան պատասխան միջոցներ ձեռք կառնի` կապված ԱՄՆ նախագահ Ջո Բայդենի կողմից Հայոց ցեղասպանության ճանաչման հետ:
«Թուրքիայի կողմից միայն հայտարարություններ ու սպառնալիքներ են հնչում, ԱՄՆ նկատմամբ ոչ մի լուրջ բան տեղի չի ունենա: Ձեռնարկվում են թույլ միջոցներ, որոնք ԱՄՆ-ին որևէ կերպ չեն վնասի: Էրդողանը խորամանկ քաղաքական գործիչ է. նրա համար ձեռնտու չի լինի ամերիկյան բազաները վերացնել: Ենթադրում եմ, որ նա այժմ պատրաստվում է Ջո Բայդենի հետ հանդիպման, որից հետո կհայտարարի լավ փոխհարաբերությունների նոր դարաշրջանի մասին»,- նշել է նա:
--00--ԱԹ