Հրդեհ՝ Աբովյան քաղաքի շենքերից մեկում. տարհանվել է 40 բնակիչ

ԵՐԵՎԱՆ, ԱՊՐԻԼԻ 22, 24News

ю

Ապրիլի 22-ին, ժամը 16:23-ին Կոտայքի մարզային ճգնաժամային կառավարման կենտրոն ահազանգ է ստացվել, որ Աբովյան քաղաքի Նաիրյան փողոցի շենքերից մեկում հրդեհ է բռնկվել։

Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ և մեկ ավտոսանդուղք։ Պարզվել է, որ հրդեհը բռնկվել է մուտքի 5-րդ հարկում գտնվող խորդանոցում։

Հրդեհը մեկուսացվել է ժամը 16:41-ին, մարվել՝ 17:03-ին: Խորդանոցում այրվել են կենցաղային իրեր (մոտ 0․5 խմ) և էլեկտրական մալուխ (մոտ 15 գմ)։ Փրկարարները շենքի 5-9-րդ հարկերից տարահանել են 40 բնակչի:

--00--ԱՀ