Այս իշխանությունների կողմից քարոզվող խաղաղությունը կարող է ազգային խայտառակություն դառնալ

ԵՐԵՎԱՆ, ԱՊՐԻԼԻ 13, 24News

հասարակական

Ադրբեջանի բռնապետն այսօր պատասխանել է իր հայաստանյան կոլեգաներից մեկի այն հարցին, թե ինչն է խանգարում մեզ լինել ավելի կառուցողական։ Այս մասին ֆեյսբուքյան իր էջում գրել է ԱԺ պատգամավոր, «Իմ քայլը» խմբակցության նախկին անդամ Աննա Գրիգորյանը:

«Մինչ մեր իշխանությունները ժողովրդին պատրաստում են խաղաղության, նա՝ Ալիևը, հպարտ ճեմելով մեր զոհված տղաների սաղավարտներով պատված այգում՝ հստակ ցույց տվեց, թե որտեղից է սկիզբ առնում և շարունակվում սնվել ազգամիջյան ատելությունը։

Մեզանից խաղաղասեր ժողովուրդ չկա, հավատացեք, բայց խաղաղությունը չեն մուրում, դրան պատրաստվում են՝ զինելով և կատարելագործելով բանակը, ստեղծելով նպաստավոր քաղաքական միջավայր։ Այս իշխանությունների կողմից քարոզվող խաղաղությունը մեզ համար ո՛չ հնարավորություն է, ո՛չ պատմական շանս, ինչպես ոմանք են պնդում։ Դա կարող է մեր ազգային խայտառակությունը դառնալ»,-գրել է պատգամավորը։

--0--ԿԿ