ՖԻՖԱ-ն կասեցրել է երկու երկրների ֆուտբոլի ֆեդերացիաների գործունեությունը

ԵՐԵՎԱՆ, ԱՊՐԻԼԻ 7, 24News 

ՖԻՖԱ

Ֆուտբոլի միջազգային ֆեդերացիայի (ՖԻՖԱ) խորհրդի բյուրոն որոշում է կայացրել կասեցնել Չադի և Պակիստանի ֆուտբոլի ֆեդերացիաների գործունեությունը։ Այս մասին Armsport.am-ի հաղորդմամբ՝ հայտնում է FIFA կայքը:

Չադի ֆուտբոլի ֆեդերացիայի կասեցումը բխում է երկրի իշխանությունների կողմից վերջերս կայացված որոշումներից` կազմակերպության լիազորությունները ընդմիշտ չեղյալ համարելուց, ժամանակավոր ֆուտբոի ազգային կոմիտե ստեղծելու և ասոցիացիայի գրասենյակների նկատմամբ վերահսկողություն հաստատելուց։ ՖԻՖԱ-ի դատավճիռը չեղյալ կհայտարարվի Չադի կառավարության համապատասխան որոշումների չեղարկումից հետո:

ՖԻՖԱ-ն դադարեցրել է Պակիստանի ֆուտբոլի ֆեդերացիայի գործունեությունը կազմակերպության գործերին երրորդ կողմի միջամտության պատճառով, ինչը ՖԻՖԱ-ի կանոնադրության լուրջ խախտում է: Ինչպես նշվում է, Պակիստանի ֆուտբոլի ֆեդերացիայի շտաբը գրավել են մի խումբ ցուցարարներ:

 --00—ՄՀ