Արցախի տարբեր բնակավայրերում հաստատված հադրութցիներին հումանիտար աջակցություն է հատկացվել

ԵՐԵՎԱՆ, ԱՊՐԻԼԻ 1, 24News 

հադրութցիներ

Հադրութի՝ պատերազմի պատճառով տեղահանված և Արցախի տարբեր բնակավայրերում հաստատված շրջանի մի խումբ բնակիչների սննդի տեսքով օգնություն է տրամադրվել: Այս մասին հայտնում են Արցախի ԱԻՊԾ նախարարությունից:

Բարեգործական ծրագիրը նախաձեռնել է ԱՀ ներքին գործերի նախարար Կարեն Սարգսյանը: Նախաձեռնությանը միացել են անհատ բարերարներ ու կազմակերպություններ:

ԱԻ պետական ծառայության պահեստում հավաքվածները Հադրութի շրջանի համայնքների ղեկավարներն են: Նախապես կազմվել են Արցախում հաշվառված համագյուղացի ընտանիքների ցուցակները, իսկ օգնությունը տրամադրվել է ըստ ընտանիքի կազմի:

Շնորհակալության խոսքերի հետ մեկտեղ, համայնքների ղեկավարները նաև իրենց երախտիքի խոսքն են հայտնել բոլոր այն սրտացավ մարդկանց, ովքեր այս դժվար օրերին բնակության վայրն ու սեփական ամեն ինչ կորցրած բնակիչների կողքին են:

Հադրութցիները նաև Արցախի փրկարարներին են շնորհակալ՝ ռազմագործողությունների ընթացքում և հետո՝ անձնուրաց ծառայության համար:

--00--ԱԹ