Խաղաղապահները հայ ուխտավորներին ուղեկցել են Դադիվանք, օգնություն հասցրել Խնապատին

ԵՐԵՎԱՆ, ՄԱՐՏԻ 29, 24News

Խնապատ

Ռուս խաղաղապահները հումանիտար բեռներ են հասցրել Ասկերանի շրջանի Խնապատի բնակիչներին, ինչպես նաև Դադիվանքի վանական համալիր են ուղեկցել ուխտավորների։ Այս մասին հայտնում է ՌԴ ՊՆ-ն։

Ռուսական խաղաղապահ զորակազմի Հումանիտար արձագանքման կենտրոնի սպա Եվգենի Մաքսիմովի խոսքով՝ կարիքավոր ընտանիքներին են հանձնվել առաջին անհրաժեշտության ապրանքներ և դեղորայք։ Ընդհանուր առմամբ, ռուս զինվորականները բաժանել են 100 փաթեթ։

Բացի այդ, ռուսական հասարակական կազմակերպությունների և բարեգործական հիմնադրամների կողմից ռուս խաղաղապահները կարիքավորներին փոխանցել են ծալովի մահճակալներ, վերմակներ, բարձեր, փոքր գազօջախներ՝ սնունդ պատրաստելու համար, և այլ անհրաժեշտ ապրանքներ։

2020 թվականի նոյեմբերի 23-ից մինչ օրս չպայթած զինամթերքից մաքրվել է 1739 հա տարածք, 541 կմ ճանապարհ, 1614 բնակելի շենք, այդ թվում՝ 30 սոցիալական նշանակության օբյեկտ, հայտնաբերվել և վնասազերծվել է 25376 պայթուցիկ առարկա:

Հաղորդվում է նաև, որ 10 հայ ուխտավորների խումբը ռուս խաղաղապահների ուղեկցությամբ այցելել է Դադիվանք։ Ուխտագնացները հանդիպել են հոգևորականնների հետ և մասնակցել կիրակնօրյա ժամերգության։

--00—ՄՀ