Արտակ Դավթյանը կորոնավիրուսի ամենածանր օրերին դրսևորում էր ամենաանկարգապահ վարքագիծը

ԵՐԵՎԱՆ, ՄԱՐՏԻ 22, 24News 

արսեն բաբայան

«Հայրենիք» կուսակցության անդամ Արսեն Բաբայանը ֆեյսբուքյան գրառմամբ անդրադարձել է ԶՈՒ ԳՇ պետի պաշտոնում Արտակ Դավթյանի նշանակմանը։ Գրառման մեջ ասվում է․

«Բանակը պետք է լինի ամենակարգապահ կառույցը: Բանակում նույնիսկ ամենափոքր անկարգապահությունը թուլացնում է նրա մարտունակությունը:

Հայտնի կանոնը, որ բանակի կարգապահությունը սկսվում է շարահրապարակից՝ մեծ խորհուրդ ունի:

Հիմա հասկանանք, թե թուրքական իշխանության հայկական պարագլուխն ում է «իրավունքի ուժով» նշանակել ամենակարգապահ լինելու պարտականություն ունեցող Զինված ուժերի ղեկավար:

Արտակ Դավթյան: Այս մարդը կորոնավիրուսի ամենածանր օրերին, երբ մեծ թվով մարդիկ էին մահանում այդ վիրուսից, լինելով ԶՈւ գլխավոր շտաբի պետ դրսևորում է ամենաանկարգապահ վարքագիծը և հարսանեկան մեծ միջոցառում անցկացնում: Այսօր իմացանք, որ թուրքի ներկայացուցիչը հենց այդ պատճառով է նրան ազատել պաշտոնից:

Իհարկե չէր ազատի, եթե հանրային հնչեղություն չստանար այդ առերևույթ մարդասպանության փորձը, որ թույլ էր տվել Արտակ Դավթյանը:

Բանակը ոչնչացնելու ամենակարճ ձևը հենց անկարգապահ և թույլ հրամանատար նշանակելն է»:

--00--ԱՀ