ԳՇ պետի հակասահմանադրական ազատման մասով հիմնավորումները բավարար են հայցի ապահովման համար

ԵՐԵՎԱՆ, ՄԱՐՏԻ 17, 24News

նկար

Վարչական դատարանի դատավոր Մհեր Պետրոսյանը ունի առավելապես դրական և արդարադատություն իրականացնող դատավորի համբավ, այս մասին ֆեյսբուքյան էջում գրել է սահմանադրագետ Արամ Վարդևանյանը՝ անդրադառնալով ԳՇ ննախկին պետ Օնիկ Գասպարյանի հայցադիմումին առնչվող թեմային։

«Գեներալ-գնդապետ Օնիկ Գասպարյանի հայցադիմումը մակագրվել է հենց դատավոր Պետրոսյանին:

Ինչպես միշտ իշխանությունները, զգալով, որ կարող են ստանալ ոչ իրենց հաճելի դատական ակտ, իսկ տվյալ դեպքում դա հայցի ապահովման բավարարմամբ Օնիկ Գասպարյանի կողմից ԳՇ պետի պարտականությունները կատարելուն վերադառնալն է, ըստ մամուլում հրապարակված տեղեկության՝ որոշել են ամեն կերպ ճնշել դատավորին: Երևի այս կոնտեքստում է նաև ասվում իշխանական պատգամավորի կողմից՝ «վերցնել դատարանները»:

Տեղեկացնեմ նաև, որ այն հիմնավորումները, որոնք հասանելի էին հանրությանը ԳՇ պետի հակասահմանադրական ազատման վերաբերյալ, լրիվությամբ բավարար են Վարչական դատարանի կողմից՝ հայցի ապահովում կիրառելու համար»,-գրել է Վարդևանյանը։

Ավելի վաղ ՀՀ ԶՈՒ ԳՇ նախկին պետ Օնիկ Գասպարյանը դիմել էր Վարչական դատարան՝ իր ազատման հրամանն ապօրինի ճանաչելու պահանջով։ 

--00—ԼՄ