ԵՐԵՎԱՆ, ՄԱՐՏԻ 16, 24News
«Փաստ» օրաթերթը գրում է․ Միջազգային հանրապետական ինստիտուտն օրերս հրապարակել էր սոցհարցման տվյալներ, որոնք, շատ մեղմ ասած, քաղաքական ուժերի մեծ մասի շրջանում հավատ չներշնչեցին: Ըստ այդ հարցման, «Իմ քայլը» դաշինքն ունի 30 տոկոսից մի փոքր ավելի «քվե», իսկ մնացյալ ուժերը՝ 1-3 տոկոս: Սակայն այս հարցման հետ կապված որոշ ուշագրավ մանրամասներ են հայտնի դարձել:
«Փաստ» թերթի տեղեկություններով, բանն այն է, որ հարցման ցանկում երկրորդ նախագահ Ռոբերտ Քոչարյանի անունը ի սկզբանե չի եղել, իսկ հրապարակված 2 տոկոսն էլ նրանք են, ովքեր ցանկում սեփական նախաձեռնությամբ ավելացրել են Քոչարյանի ազգանունն ու նշել նրան: Ըստ մեր աղբյուրների, արևմտյան ուժերին ու Հայաստանում նրանց շահերը սպասարկողներին նյարդայնացնում է երկրորդ նախագահի աճող վարկանիշը, ուստի նման կերպ ջանքեր են գործադրվում ցածր տոկոսներ ցույց տալու համար:
Առավել մանրամասն՝ թերթի այսօրվա համարում
--00--ԱՀ