Մարտունիում շմոլ գազի արտանետման հետեւանքով 15 տարեկան երեխա է մահացել. Արցախի ԱԻՊԾ

ԵՐԵՎԱՆ, ՄԱՐՏԻ 15, 24News

հիվանդանոց

Մարտունիում շմոլ գազի արտանետման հետեւանքով 15 տարեկան երեխա է մահացել: Այս մասին հայտնում են ԱՀ Արտակարգ իրավիճակների պետական ծառայությունից։

«ԱՀ ՆԳ նախարարության ԱԻ պետական ծառայության Մարտունու շրջանային բաժնի 911 ահազանգման կենտրոնում եւ Ոստիկանության Մարտունու բաժնի հերթապահ մասում ժամը 22:10-ին ահազանգ է ստացվել Մարտունի քաղաքի բնակելի տներից մեկում մահացած 15-ամյա բնակիչ Տ.Ղ.-ի մասին:

Դեպքի վայր մեկնած փրկարարներն ու ոստիկանները պարզել են, որ պատանին գտնվել է լոգարանում եւ մահացել է շմոլ գազի արտանետումից:

Հարգելի հայրենակիցներ

Ներքին գործերի նախարարությունը կրկին զգուշացնում եւ հորդորում է՝ պահպանել կենցաղում բնական գազից օգտվելու անվտանգության պահանջները եւ ներտնային գազասպառման համակարգի անվտանգ շահագործումը: Զերծ մնալ դժբախտ ելքով պատահարներից եւ արտակարգ իրավիճակից»,- հայտնում է ԱՀ Արտակարգ իրավիճակների պետական ծառայությունը։

--00--ԱՀ