Մեր մայրերը հայրենիքին տվեցին ամենաթանկը՝ զավակին. Ձեր նկատմամբ հավերժ պարտք ունենք

ԵՐԵՎԱՆ, ՄԱՐՏԻ 8, 24News

նկար

ՀՀ փոխվարչապետ Տիգրան Ավինյանն ուղերձ է հղել Կանանց միջազգային օրվա առթիվ, որում ասվում է. «Սիրելի՛ կանայք, շնորհավորում եմ իրական գարունը բերող այս գեղեցիկ տոնի կապակցությամբ: Այն պատեհ առիթ է մեր սերն ու երախտագիտությունն արտահայտելու գեղեցիկ սեռի հանդեպ՝ առանձնահատուկ կերպով արժևորելով մեր մայրերի, կանանց ու քույրերի անգնահատելի ներդրումը մեր կյանքում:

Ուզում եմ իմ առանձնակի ակնածանքն ու խոնարհումն արտահայտել մեր մայրերի նկատմամբ, որոնք հայրենիքին տվեցին իրենց ամենաթանկը՝ զավակին: Ձեր նկատմամբ հավերժ պարտք ունենք, որի մասին պարտավոր ենք հիշել ամեն օր և գործել այդ գիտակցությամբ:

Բոլոր կանանց մաղթում եմ երջանկություն և առողջություն, ինչպես նաև` մշտապես ոգեշնչելու սեփական ներկայությամբ և լուսավորելու՝ բացառիկ իմաստությամբ»։

--00—ԼՄ