Անթալիայում Թուրքիայի պետական դրոշը նետել են աղբամանը

ԵՐԵՎԱՆ, ՄԱՐՏԻ 2, 24News

դրոշ

Թուրքիայի հարավային Անթալիա նահանգի Քումլուջա շրջանում երկրի պետական դրոշը հայտնվել է աղբամանում: Այս մասին հայտնում է Ermenihaber-ը:

Քաղաքի բնակիչներն այն լուսանկարել և տեղադրել են համացանցում, որը հիստերիայի ալիք է բարձրացրել թուրք հասարակության մոլեռանդ շրջանակների մոտ, թուրքական մամուլում՝ քննարկման առարկա դառնալով սոցցանցերում։

Միջադեպի առնչությամբ Քումլուջայի հանրապետական գլխավոր դատախազությունը հետաքննություն է սկսել: Քննություն կատարելու համար դեպքի վայր են մեկնել ժանդարմերիայի և քաղաքապետարանին կից ոստիկանական ուժերը:

Ավելի ուշ պարզ է դարձել, որ Քումլուջայի նավաստիներն աղբը թափելուց չեն նկատել, որ տոպրակի մեջ թուրքական դրոշներ ու Քումլուջայի քաղաքապետարանի տարբերանշանով պաստառներ են եղել:

Նշվում է, որ անցյալ տարի տոնակատարություններից մեկի ժամանակ այդ դրոշներն ու պաստառները բաժանվել էին նավաստիներին։

--00--ԱԹ