ԵՐԵՎԱՆ, ՓԵՏՐՎԱՐԻ 23, 24News
Փետրվարի 17-ին «Երևանի կենդանաբանական այգի» ՀՈԱԿ-ից ստացվել էր գրություն՝ այգում պահվող մեկ աղվեսին վայրի բնություն վերադարձնելուն աջակցելու խնդրանքով՝ հայտնում են Բնապահպանության և ընդերքի տեսչական մարմնից:
Փետրվարի 23-ին կազմվել է վայրի կենդանու ընդունման-հանձնման ակտ, և ԲԸՏՄ կենդանական աշխարհի վերահսկողության բաժնի, կենդանաբանական այգու անասնաբույժի և մասնագետների հետ համատեղ կենդանին բաց է թողնվել «Ջրվեժ» արգելոցային համալիրին հարակից տարածքում։
Աղվեսը ստացել էր կատաղության և հիվանդությունների դեմ համապատասխան պատվաստումներ։
«Շնորհակալություն ենք հայտնում կենդանաբանական այգու տնօրինությանը համագործակցության և մասնագիտական արհեստավարժ մոտեցման համար»,- նշել են ԲԸՏՄ-ից։
--00—ԼՄ