Մինչ թիթեռ ենք նկարում, Գեղարքունիքն է դառնում Սյունիք, մեզ նոր անակնկալներ են սպասվում

ԵՐԵՎԱՆ, ՓԵՏՐՎԱՐԻ 12, 24News

Շատ դեպքերում մեր իշխանությունը չգիտի, թե ինչ է կատարվում սահմանին, և այդ իներցիային իրենք վաղուց արդեն հաշտվել են, այսինքն՝ թողել են ինքնահոսի և անընդհատ հույսները տարբեր գերտերությունների վրա է: Այս մասին 24TV-ի եթերում ասել է ԱԺ անկախ պատգամավոր Թագուհի Թովմասյանը:

Նրա խոսքով՝ մեր բանակն այսօր ոչ միայն բարոյական առումով ոտքի կանգնելու խնդիր ունի, այլ նաև ֆիզիկապես, որովհետև մեր բանակը ջախջախվել է, ու այս երեք ամիսը մենք պետք է միայն օգտագործեինք զինված ուժերի ուժեղացման, բանակի մեջքը ուղղելու համար, բայց մենք թիթեռ ենք նկարում՝ բերելով տարբեր օրինագծեր:

«Հետևելով իշխանության ներկայացուցիչների մեկնաբանություններին ու պատասխաններին Սյունիքում անվտանգային, սահմանային և ճանապարհային հարցերի շուրջ՝ ես հասկացա, որ դեռ մեզ անակնկալներ են սպասվում տարբեր փաստաթղթերի տեսքով»,-նշել է պատգամավորը:

Ներքաղաքական թեմաների մասին խոսելիս Թովմասյանն ասել է, որ իշխանությունը կարծես ամեն ինչ անում է,որ Ռոբերտ Քոչարյանին մաքրագործի և, ըստ էության, ինքն էլ նպաստում է նրա վարկանիշի աճին:

Քննարկվել են նաև թեմային վերաբերող այլ կարևոր հարցեր:

Մանրամասները՝ տեսանյութում:

--0--ԿԿ