ԵՐԵՎԱՆ, ՓԵՏՐՎԱՐԻ 10, 24News
Մարտակերտի շրջանի հոգևոր հովիվ Տեր Հովհաննես քահանա Հովհաննիսյանը Tert.am-ի հետ զրուցել է Դադիվանք այցելելու թույլտվություն ունենալու խնդրից, չնայած այն հանգամանքին, որ հայերի համար դա անվտանգ չէ:
«Այո՛, Ադրբեջանը պետք է մեզ թույլ տա, որ մենք գնանք Դադիվանք, և ցավն այն է, որ մենք դրան համաձայնում ենք...
Պիտի ստուգեն քաղաքացիների ինքնությունը, ընտանիքի անդամներին, ամուսնու, հոր մասին, որտեղ են կռվել, ինչ պաշտոն ու շքանշան ունի: Այս ամբողջ ինֆորմացիան կստանան, կթույլատրեն, հետո այնտեղ կբռնեն, կասեն, թե ահաբեկիչ են բռնել: Սա է ամբողջ խնդիրը և մեր իշխանավորները սա չեն հասկանում»,-ասել է Տեր Հովհաննեսը և տեղեկացրել, որ Դադիվանքում հիմա կոնկրետ վանահայր չկա, բայց հերթափոխով ծառայող հոգևորականներ կան:
44-օրյա պատերազմից հետո որոշում է կայացվել, որ Դադիվանք հայերի մուտքը լինելու է միայն կիրակի օրերին ռուս խաղաղապահների ուղեկցությամբ: Սակայն օրօերս ադրբեջանական կողմը Դադիվանք մեկնող ուխտավորների խմբին արգելել էր մուտք ունենալ վանական համալիր՝ պատճառաբանելով, որ այսուհետ պետք է ներկայացվեն ուխտագնացների անվանական ցուցակներ:
--00—ԼՄ