ԵՐԵՎԱՆ, ՀՈւՆՎԱՐԻ 15, 24News
Վերջին մեկ օրվա տվյալներով` Վրաստանում նոր վարակվածների թիվը 1 177 է։ Տվյալները ստացվել են 15205 թեստի հիման վրա։ Այս մասին հայտնում է Ալիք մեդիան։
Այսօրվա դրությամբ երկում վարակվածների թիվը հասել է 245 789-ի։ Նոր վարակվածների ավելի քան 42%-ը Թբիլիսիում է ( 496)։ Իմերեթիում 187 նոր դեպք կա, Սամեգրելո Զեմո-Սվանեթիում` 105, Աջարիայում` 52, Քվեմո Քարթլի և Շիդա Քարթլի շրջաններում` 83-ական, Կախեթիում` 88։ Ամենաքիչ վարակվածներ կան Քվեմո Սվանեթիում` 5 դեպք։
Քովիդից մահացել է 26 պացիենտ։ Մահացածների ընդհանուր թիվը 2893 է։
Ապաքինվել է 837 մարդ, ապաքինվածների ընդհանուր թիվը` 229 196։
Երկրում քովիդի 13 674 ակտիվ դեպք կա, որոնցից ավելի քան 27%-ը ստացիոնար բուժում է ստանում։ 9294 հիվանդ բուժվում է տնային պայմաններում։
777 ծանր հիվանդ կա։ 238-ին արհեստական շնչառության սարք է միացված։
--00—ՄՀ