ԵՐԵՎԱՆ, ՀՈւՆՎԱՐԻ 11, 24News
Ադրբեջանի և Հայաստանի հատուկ ծառայությունների ղեկավարները հունվարի 10-ին կայացած հանդիպմանը քննարկել են երկու երկրների պետական սահմաններին տեղի ունեցած միջադեպերի համատեղ հետաքննության և գերիների փոխանակման խնդիրները, հայտարարել է Ադրբեջանի Պետական անվտանգության ծառայության հասարակայնության հետ կապերի բաժինը: Այս մասին ՏԱՍՍ-ի փոխանցմամբ, հայտնել են Ադրբեջանի ազգային անվտանգության ծառայության հանրային կապերի բաժնից:
«Հունվարի 10-ին, Սյունիքի մարզի Որոտան և Շուռնուխ սահմանամերձ բնակավայրերի հատվածում, ՀՀ ԱԱԾ պետ Արմեն Աբազյանը և Ադրբեջանի ԱԱԾ ղեկավար Ալի Նագիևը հանդիպել են: Հանդիպմանը մասնակցել են Ադրբեջանի սահմանապահ ծառայության ղեկավար Էլչին Գուլիևը և ՀՀ սահմանապահ ծառայության ղեկավարությունը: Քննարկվել են սահմանային գոտում տեղի ունեցած միջադեպերը համատեղ հետաքննելու, Արցախի շփման գոտում անվտանգության ապահովման, ռազմական գործողությունների գոտում զինծառայողների թաղման տեղերի հայտնաբերման և գերիների փոխանակմանը վերաբերող հարցեր»,- ասվում է հաղորդագրությունում։
Աղբյուրի հաղարդմամբ կողմերը քննարկել են անհետ կորածների հայտնաբերմանը վերաբերող հարցեր: Նշվում է, որ ևս մեկ հանդիպում ՀՀ և Ադրբեջանի ԱԱԾ ղեկավարներն ունեցել են հունվարի 8-ին, հայ-ադրբեջանական սահմանին՝ Նախիջևանի տարածքում:
«Հանդիպման ընթացքում ընդգծվել է, որ հրադադարի ռեժիմը պահպանվում է համաձայն ՀՀ վարչապետի, ՌԴ նախագահի և Ադրբեջանի նախագահի ընդունած եռակողմ հայտարարության: Այն բխում է երկու երկրների շահերից»,- ասվում է հաղորդագրությունում:
--00--ԱՀ