ԵՐԵՎԱՆ, ՀՈւՆՎԱՐԻ 8, 24News
Սյունիքի մարզի Շուռնուխ գյուղում իրավիճակը նույնն է, թուրքերն իրենց տեղում են՝ մայրուղուց 150-200 մետր հեռավորության վրա: Այս մասին 24News-ի հետ զրույցում ասաց Շուռնուխի համայնքապետ Հակոբ Արշակյանը:
Հիշեցնենք, որ համայնքի 12 տներ հունվարի 5-ից անցել են ադրբեջանական վերահսկողության տակ, ինչի հետևանքով անտուն է դարձել շուրջ 40 բնակիչ:
Համայնքապետ Արշակյանը մեզ հետ զրույցում տեղեկացրեց՝ տունը կորցրած շուռնուխցիների համար գյուղի վերևի հատվածում, ասում են, նոր տներ կկառուցվեն:
«Շուռնուխցիների առօրյան նախկինը չէ: Մենք ամեն բան անում ենք, որ հնարավորինս քիչ անհանգստանան, բայց դե անհանգստություն, ամեն դեպքում, կա»,-հավելեց Արշակյանը:
--0--ԿԿ