Փաշինյանին ձերբակալելու պահանջով դատախազին դիմած իրավաբաններին միացել է 68 փաստաբան

ԵՐԵՎԱՆ, ԴԵԿՏԵՄԲԵՐԻ 25, 24News

նկար

Փաստաբան Արամ Վարդևանյանը ֆեյսբուքյան էջում գրել է. 

«Այսօր ԵՊՀ իրավաբանական ֆակուլտետի պրոֆեսորական կազմը ԵՊՀ իրավաբանական ֆակուլտետի շրջանավարտ, gլխավոր դատախազ Արթուր Դավթյանից շատ կոնկրետ գործողություններ պահանջեց։

Տեղեկացնում եմ, որ նշված դիմում-հայտարարությանը կարճ ժամանակահատվածում արդեն իսկ միացել են 68 իմ հարգարժան գործընկեր փաստաբաններ (գործընթացը շարունակական է), այդ թվում` փաստաբաններ, որոնք իրավապահ համակարգում աշխատելու լուրջ փորձ ունեն։

Հարգելի՛ լրագրողներ, ցանկանում եմ տեղեկացնել, որ գլխավոր դատախազին հասցեագրված հայտարարությունը տարածել են ԵՊՀ իրավաբանական ֆակուլտետի այնպիսի դոկտոր-պրոֆեսորներ, որոնք հեղինակել են, օրինակ, ՔՐԵԱԿԱՆ ԻՐԱՎՈՒՆՔ ընդհանուր և հատուկ մասեր մենագրությունը, որից օգտվում են բոլոր քննիչները և դատախազները, այդ թվում՝ հենց գլխավոր դատախազը»։

Ավելի վաղ 20 իրավաբան-գիտնականներ Նիկոլ Փաշինյանին ձերբակալելու հանրային պահանջով դիմել են գլխավոր դատախազին:

--00—ԼՄ