ԵՐԵՎԱՆ, ԴԵԿՏԵՄԲԵՐԻ 17, 24News
Երգչուհի Շուշան Պետրոսյանին բերման ենթարկելու առնչությամբ Մարդու իրավունքների պաշտպանի հանձնարարությամբ արագ արձագանքման խումբ է մեկնել Ոստիկանության Կենտրոնական բաժին։ Այս մասին հայտնում է Մարդու իրավունքների պաշտպանի գրասենյակը։
Ավելի վաղ իրավապաշտպան Ռուբեն Մելիքյանը գրել էր, որ Շուշան Պետրոսյանը տարվել է ոստիկանության կենտրոնի բաժին, և որ որևէ մեկը նախապես նրան չէր հրավիրել ոստիկանություն կամ որևէ կերպ չէր տեղեկացրել, որ իրեն ուղղված հարցեր կան։
Դեպքը հավանաբար առնչվում է միջադեպին, որ օրերս տեղի է ունեցել Երևանի խանութներից մեկում: 56-ամյա մի կին բողոք է ներկայացրել ոստիկանություն, թե Շուշան Պետրոսյանն իրեն հարվածել է՝ ֆիզիկական ցավ պատճառելով:
--00—ԼՄ