ԵՐԵՎԱՆ, ԴԵԿՏԵՄԲԵՐԻ 16, 24News
Ըստ Ղասեմ Սոլեյմանիի դստեր՝ ԱՄՆ նոր նախագահ Ջո Բայդենի պաշտոնավարումը դժվար թե բան փոխի պաշտոնական Թեհրանի նկատմամբ ԱՄՆ-ի վարած քաղաքականության մեջ: Ավելին, Զեյնաբ Սոլեյմանին ասել է, որ ամերիկացիները չեն փոխվում, «ամեն մեկը մյուսից վատն է», և որ տասնամյակների ընթացքում չի փոխվել նաև Իրանի նկատմամբ ԱՄՆ-ի քաղաքականությունը:
«Չկա տարբերություն Բայդենի և Թրամփի միջև. նրանք նույն «տղաներն» են։ Դատելով նրանց վարած քաղաքականությունից՝ նրանց միջև ոչ մի տարբերություն չկա։ Թրամփը հրամայել է սպանել հորս, իսկ Բայդենն աջակցել է դրան. այնպես որ չկա տարբերություն»,- ասել է Զեյնաբ Սոլեյմանին։
Սոլեյմանիի դուստրը նաև հայտարարել է, որ հոր սպանությունը ԱՄՆ-ին հաղթանակ չի բերել, հակառակ ազդեցությունն է ունեցել. Իրանում ու տարածաշրջանի երկրներում մեծացել է Վաշինգտոնի նկատմամբ զայրույթն ու ատելությունը:
Հիշեցնենք, որ Ղասեմ Սոլեյմանին սպանվել էր հունվարի 3-ի գիշերը Բաղդադի միջազգային օդանավակայանի տարածքում ԱՄՆ-ի հատուկ գործողության ժամանակ:
--00—ԼՄ