ԵՐԵՎԱՆ, ՆՈՅԵՄԲԵՐԻ 26, 24News
ՌԴ Պետդումայի՝ Ղրիմի շրջանի պատգամավոր Միխայիլ Շերեմետը հայտարարել է, որ Լեռնային Ղարաբաղի վերաբերյալ բանաձևից հետո Ֆրանսիայի Սենատի հաջորդ տրամաբանական քայլը պետք է լինի Ղրիմի ռուսական կարգավիճակի ճանաչումը: Այս մասին գրում է РИА Новости-ն:
«Եթե Ֆրանսիայի իշխանությունների համար իրապես կարևոր են մարդկանց ընտրությունն ու ինքնորոշումը, եթե այլ ժողովուրդների ժողովրդավարական արժեքներն ու նկրտումները հարգելու հարցում նրանց դիրքորոշումն անկեղծ է և ոչ թե մտացածին քաղաքական խաղ, ապա Լեռնային Ղարաբաղի անկախության ճանաչմանը պետք է հետևի Ղրիմի ռուսական կարգավիճակը ճանաչող բանաձևի ընդունումը: Սա, չնայած ուշացած, սակայն տրամաբանական քայլ կլինի: Հակառակ դեպքում, ֆրանսիացի սենատորների՝ Լեռնային Ղարաբաղի վերաբերյալ որոշումը ոչ այլ ինչ է, քան կեղծավորություն»,- ասել է Շերեմետը:
--00—ՄՀ