«Դա էլ կանենք, նա էլ կանենք». Արծրուն Հովհաննիսյանին գործուղում են արտերկիր․ «Հրապարակ»

ԵՐԵՎԱՆ, ՆՈՅԵՄԲԵՐԻ 7, 24News

Արծրուն Հովհաննիսյան

«Հրապարակ» թերթը գրում է. «Հայաստան» համահայկական հիմնադրամի ավանդական հեռուստամարաթոնն այս տարի անցկացվելու է նոյեմբերի 26-ին․ հոկտեմբերի վերջին այս մասին հաղորդեց հիմնադրամի տնօրեն Հայկակ Արշամյանը:

Նորությունն այն է, որ հիմնադրամի ամենամյա թելեթոնը՝ ի նպաստ Արցախի, վարելու է ղարաբաղյան նոր պատերազմի «աստղ», ՊՆ ներկայացուցիչ Արծրուն Հովհաննիսյանը, որին գործուղում են արտերկիր՝ փող հավաքելու: Մեկ ամիս շարունակ հայկական բանակի հաղթանակների ու հաջողությունների մասին ազդարարող, հիմնականում իրականությունից տրամագծորեն տարբերվող ինֆորմացիա հանրությանը մատուցող Արծրուն Հովհաննիսյանի հետ մեծ գումարների հանգանակության հույսեր են կապում:

Մենք հետաքրքրվեցինք՝ իսկ այդ օրերին ո՞վ է ռազմի դաշտի մասին տեղեկատվությունը հանրությանը հաղորդելու։ Արծրուն Հովհաննիսյանը գրավոր պատասխանեց. «Կանենք: Դա էլ կանենք, նա էլ կանենք»:

Առավել մանրամասն՝ թերթի այսօրվա համարում

--00--ԱՀ