ԵՐԵՎԱՆ, ՀՈԿՏԵՄԲԵՐԻ 30, 24News
«ՌԻԱ Նովոստի»-ն լուսանկար է հրապարակել Ուզբեկստանում ԱՊՀ երկրների ԶՈՒ-երի շտաբի պետերի նիստից: Աղբյուրը գրում է, որ Հայաստանի և Ադրբեջանի Գլխավոր շտաբի պետերը ևս ժամանել են ԱՊՀ պրոֆիլային կոմիտեի նիստին: Լուսանկարում Հայաստանի և Ադրբեջանի ԳՇ շտաբի պետերը չեն, երկրների ներկայացուցիչներն են կանգնած կողք կողքի՝ ըստ երկրների անունների այբբենական կարգի:
Ավելի վաղ հայտնել էինք, որ Ուզբեկստան ԱՊՀ երկրների ԶՈՒ-երի շտաբների պետերի հերթական նիստն է այսօր:
Նիստին մասնակցում են Ադրբեջանի, Հայաստանի, Բելառուսի, Ղազախստանի, Ղրղզստանի, Ռուսաստանի, Տաջիկստանի և Ուզբեկստանի զինվորական պատվիրակությունները, ինչպես նաև ԱՊՀ Գործադիր կոմիտեի և ԱՊՀ ՊՆ-ների կոմիտեի քարտուղարության պատվիրակությունները:
Նշենք, որ նիստի օրակարգում պաշտպանության և անվտանգության ոլորտում փոխադարձ շահեր ներկայացնող համագործակցության համալիր հարցերն են: Կարծիքներ կփոխանակեն նաև ԱՊՀ երկրների սահմանների պարագծով ստեղծվող ռազմաքաղաքական իրադրության վերաբերյալ:
--00—ԼՄ