Պետդուման վավերացրել է ԵԱՏՄ երկրների քաղաքացիների կենսաթոշակների մասին համաձայնագիրը

ԵՐԵՎԱՆ, ՀՈԿՏԵՄԲԵՐԻ 20, 24News

հասարակական

ՌԴ Պետդուման չորեքշաբթի լիագումար նիստում վավերացրել է Եվրասիական տնտեսական միության (ԵԱՏՄ) անդամ պետություններում աշխատողների կենսաթոշակների մասին համաձայնագիրը:

Համաձայնագիրը ստորագրվել է անցյալ տարվա դեկտեմբերի 20-ին Սանկտ Պետերբուրգում՝ Հայաստանի, Բելառուսի, Ղազախստանի, Ղրղզստանի և Ռուսաստանի ղեկավարների կողմից:

Փաստաթուղթն ուղղված է կենսաթոշակների ոլորտում աշխատողների հավասար իրավունքների ապահովմանը, ԵԱՏՄ երկրների տարածքներում նրանց կողմից ձեռք բերված կենսաթոշակային իրավունքների պաշտպանությանը, ինչպես նաև կենսաթոշակների ոլորտում համագործակցություն զարգացնելուն, ասված է օրինագծի բացատրական գրության մեջ:

Համաձայնագիրը նաև երաշխավորում է, որ աշխատողներին չի կարող մերժվել կենսաթոշակների նշանակումը և վճարումը ԵԱՏՄ մեկ այլ երկրի տարածքում իրենց բնակության վայրի հիման վրա:

--0--ԿԿ