Ադրբեջանում արաբախոս վարձկանների գտնվելու առաջին տեսաապացույցը

ԵՐԵՎԱՆ, ՀՈԿՏԵՄԲԵՐԻ 3, 24News

վարձկաններ

Սոցցանցերում այսօր տարածված մի տեսանյութում, Ադրբեջանի Պետական սահմանապահ ծառայության (ՊՍԾ) համազգեստով զինված մարդիկ են, որոնք, սակայն չունեն զինծառայուղի տեսք (օրինակ՝ սափրված չեն) և արաբերեն են խոսում ու երգում։

Razm.info-ն տեղորոշել է տեսանյութում պատկերված վայրը։ Տեսանյութը նկարահանվել է Ադրբեջանի ՊՍԾ Հորադիզ քաղաքի սահմանապահ ջոկատի զորամասի դիմաց։

Բազմաթիվ լրատվամիջոցներ են հայտնել Սիրիայի տարածքից թուրքամետ զինյալների՝ Ադրբեջան տեղափոխելու մասին, Արցախի դեմ մարտերին մասնակցելու նպատակով (օրինակ՝ Reuters, BBC, AFP), սակայն սա առաջին տեսանյութն է, որում երևացող վայրը հնարավոր է հստակ տեղորոշել։

--00--ԱԹ