ԵՐԵՎԱՆ, ՀՈԿՏԵՄԲԵՐԻ 3, 24News
«Guardian» պարբերականի թղթակիցը զրուցել է Լեռնային Ղարաբաղի հակամարտության գոտում գտնվող սիրիացի վարձկանի հետ: Այս մասին Բեթան Մաքերանը գրել է Twitter-ում:
«ՇՏԱՊ. կապ եմ հաստատել Լեռնային Ղարաբաղում գտնվող սիրիացի վարձկանի հետ: Նա հաստատել է, որ սեպտեմբերի 24-ին Թուրքիայի կողմից աջակցվող սիրիացի զինյալ խմբավորումների 1000 մարդու հետ միասին ժամանել է Ադրբեջան: Նրանցից ոմանք, ըստ այս անձի, ուղարկվել են առաջնագիծ, իսկ 10 մարդ արդեն մահացել է», - գրել է նա:
Նշենք, որ առավոտյան Արցախի սահմանի հյուսիսային և հրավային ուղղություններում սկսվել են համառ և թեժ մարտեր։ Հակառակորդը, մեծ ուժեր կենտրոնացնելով այս թևերում, անցել է հարձակման։ Հայկական ստորաբաժանումները կասեցնում են հակառակորդի առաջխաղացումը՝ պատճառելով մեծ կորուստներ։
--00—ԼՄ