ԵՐԵՎԱՆ, ՍԵՊՏԵՄԲԵՐԻ 17, 24News
ՀՀ ԿԳՄՍ նախարար Արայիկ Հարությունյանը մանդատը վայր նախկին պատգամավոր Արսեն Ջուլֆալակյանի հետ ուղիղ եթերի ձևաչափով հանդիպում չի նախատեսում: Այդ մասին, «Արմենպրեսի» հարցմանն ի պատասխան, ասել է ԿԳՄՍՆ հասարակայնության հետ կապերի և տեղեկատվության վարչությունը:
Ավելի վաղ հայտնել էինք, որ Արսեն Ջուլֆալակյանը ֆեյսբուքյան էջում ԿԳՄՍ նախարար Արայիկ Հարությունյանին ուղիղ եթերում բանավեճի էր հրավիրել, որպեսզի մեկընդմիշտ փակի մանդատը վայր դնելու հարցը:
«Շատ կուզենամ բանավեճի ընթացքում կրկնի իմ մասով երեկվա արտաբերած մտքերը։ Միգուցե հիշողությունն է կարճ, բայց առնվազն պետք է տեղյակ լիներ, որ գոյություն ունեն դիմում/փաստաթղթեր, ելույթներ, տեսաձայնագրություններ և այլն։
Վստահ եմ, դրանից հետո դժվար գտնվեն մարդիկ, որոնք կմեղադրեն ինձ չպայքարելու կամ ոչ բավարար պայքարելու մեջ․․․
Ես չէի ուզում, նա ստիպեց: Կնախընտրեմ բանավեճն անցկացնել որոշ ժամանակ անց, որպեսզի այն չկապվի տվյալ նախարարին վերաբերող քաղաքական այլ ուժերի և շրջանակների կողմից նախաձեռնած գործընթացների հետ»,-գրել էր Ջուլֆալակյանը:
--00—ԼՄ