Համալիրի տարածքում Կարեն Դեմիրճյանի արձանը կտեղադրվի

ԵՐԵՎԱՆ,  ՍԵՊՏԵՄԲԵՐԻ 8, 24News

Thumbnail

Երևանի ավագանու նիստում այսօր որոշում է կայացվել Երևան քաղաքի ավագանու 2019 թվականի դեկտեմբերի 25-ի N186-Ն որոշման մեջ փոփոխություններ կատարելու և գումար հատկացնելու մասին:

«Հիմք ընդունելով Հայաստանի Հանրապետության կառավարության 2020 թվականի հուլիսի 2-ի «Հայաստանի Հանրապետության կառավարության 2020 թվականի պետական բյուջում վերաբաշխում, Հայաստանի Հանրապետության կառավարության 2019 թվականի դեկտեմբերի 26-ի հ.1919-Ն որոշման մեջ փոփոխություններ ու լրացումներ կատարելու և Հայաստանի Հանրապետության տարածքային կառավարման և ենթակառուցվածքների նախարարությանը ու Հայաստանի Հանրապետության քաղաքաշինության կոմիտեին գումար հատկացնելու մասին» N 1128-Ն որոշումը, նախատեսվում է փոփոխություններ կատարել Երևան քաղաքի 2020 թվականի բյուջեում՝ մասնավորապես Երևան քաղաքի 2020 թվականի բյուջեի նպատակային հատկացումներն ավելացնել 60,014.0 հազ. դրամով, որը՝ Երևան քաղաքի 2020 թվականի բյուջեի ծախսային մասում, նախատեսվում է ամբողջությամբ ուղղել ՀՀ պետական և հասարակական նշանավոր գործիչներին նվիրված հուշարձանների իրականացում ծրագրի շրջանակներում Կարեն Դեմիրճյանի անվան մարզահամերգային համալիրի տարածքում Կարեն Դեմիրճյանի արձանի կառուցման աշխատանքների իրականացման համար»,- ասված է նախագծի հիմնավորման մեջ:

--00--ԱԹ