ԵՐԵՎԱՆ, ՍԵՊՏԵՄԲԵՐԻ 4, 24News
Ազգային ժողովը 70 կողմ, 19 դեմ ձայներով երկրորդ ընթերցմամբ ընդունեց կառավարության ներկայացրած «ՀՀ բնակչության սանիտարահամաճարակային անվտանգության ապահովման մասին օրենքում» փոփոխություն և լրացումներ կատարելու մասին և կից ներկայացված օրենքների նախագծերի փաթեթը:
Դրանով ենթադրվում է արտակարգ դրության ռեժիմը կարանտինով փոխարինելու հնարավորություն:
Առողջապահության նախարարություն առաջարկով մարզպետը կամ Երևանի քաղաքապետը կարող է հայտարարել կարանտին՝ վարակիչ հիվանդությունների տարածման և բռնկման, արտակարգ իրավիճակների դեպքում:
Կարանտին կարող է սահմանվել քաղաքի որոշակի մասում կամ որոշակի տարածքում, այդ թվում` ձեռնարկություններում և այլ տնտեսվարող սուբյեկտներում: Կարանտին կարող է սահմանվել միայն մինչև վեց ամիս ժամկետով, սակայն կարող է երկարաձգվել մինչև 12 ամիս:
Նշենք նաև, որ երկրում կարանտին հայտարարվում է 6 ամիս ժամկետով և կարող է երկարաձգվել ևս 6 ամիս: Հայաստանում արտակարգ դրությունը կավարտվի սեպտեմբերի 11-ին: Հիշեցնենք, որ վարակվածների ընդհանուր թիվը 44461 է, որից 4041-ը շարունակում է բուժվել: Հիվանդության բռնկումից ի վեր՝ ընդհանուր առմամբ ապաքինվել է 39 257 մարդ։
--0--ԿԿ