Փրկարարները Սիսիանում ժամանակավորապես դադարեցրել են 33-ամյա կնոջ որոնողական աշխատանքները

ԵՐԵՎԱՆ, ՕԳՈՍՏՈՍԻ 24, 24News

ԱԻՆ

Օգոստոսի 24-ին՝ ժամը 10։00-ին, ԱԻՆ ՓԾ Սյունիքի մարզային փրկարարական վարչության օպերատիվ խումբը՝ 5 փրկարար ծառայող, վերսկսել են քաղաքացու որոնողական աշխատանքները։ Այս մասին հայտնում են ԱԻՆ-ի լրատվության ծառայությունից։

Աշխատանքներին մասնակցում են նաև ոստիկանության Սիսիանի բաժնի 10 աշխատակիցներ և 40 քաղաքացիներ։

Ժամը 19։23-ին որոնողափրկարարական աշխատանքները դադարեցվել են մթության պատճառով։

ԱԻՆ-ը հիշեցնում է, որ օգոստոսի 23-ին, ժամը 17։52-ին Մարզային ճգնաժամային կառավարման կենտրոն տեղեկատվություն է ստացվել, որ օգոստոսի 22-ին ժամը 14:00-ից Դաստակերտ քաղաքի 1-ին փողոցի տներից մեկի բնակիչ Մարինե Մ․-ն (ծնված 1986 թ․) դուրս է եկել տանից և չի վերադարձել։

Դեպքի վայր է մեկնել ԱԻՆ ՓԾ Սյունիքի մարզային փրկարարական վարչության օպերատիվ խումբը։

Որոնողական աշխատանքներին մասնակցել են ոստիկանության Սիսիանի բաժնի 10 աշխատակիցներ և քաղաքացու ազգականները։

Ժամը 20:21-ին անբարենպաստ եղանակի պատճառով որոնողական աշխատանքները դադարեցվել են։

--00--ԱՀ