ԵՐԵՎԱՆ, ՕԳՈՍՏՈՍԻ 5, 24News
Լիբանանահայ հասարակական գործիչ Սևակ Արծրունին ֆեյսբուքյան իր էջում գրել է․
«Տարիներ շարունակ հորդորել ենք ՀՀ իշխանություններին աջակցել Միջին Արեւելքի հայության հայրենադարձության ինքնաբուխ մղումին:
Լիբանանի տասնյակ հազարանոց համայնքը, որը ամիսներ ի վեր ապրում է շարունակական աղետի պայմաններում, երեկվանից կանգնել է կատարյալ՝ ժողովրդային եւ հաստատությունների կործանման հանգրվանին: Լիբանահայությանն այս պահից սպառնում են համաճարակը, սովը, անիշխանականությունը․․․:
Կոչ ենք անում ՀՀ նախագահին, վարչապետին եւ Կաթողիկոսներին, ժամ առաջ սկսել լիբանահայության մասսայական հայրենադարձության գործընթաց: Այս պահից սկսյալ, անտարբերությունը, դանդաղկոտությունը, անգործունեությունը համազոր են հանցավորության»:
--00—ՄՀ