ԵՐԵՎԱՆ, ՀՈՒԼԻՍԻ 23, 24News
Եթե տավուշյան բարձունքների համար կռիվն ավարտված համարենք, այնուամենայնիվ նոր փորձեր կլինեն, գուցե նաև Արցախում։ Հիմա արդեն լուրջ «մարտեր» են սպասվում դիվանագիտական փուլում։ Այս մասին 24TV-ի «Հարցազրույց» հաղորդման եթերում ասել է քաղտեխնոլոգ Վիգեն Հակոբյանը։
Քաղտեխնոլոգն Ադրբեջանի ագրեսիան պայմանավորում է մի քանի հանգամանքով։ Ըստ նրա՝ քաղաքական իրավիճակներ փոխվեցին, որոնք ի չիք դարձրեցին «վերելակային» դիվանագիտական պայմանավորվածությունը՝ մյուս կողմից չբացառելով ներադրբեջանական խմորումները, որը ստիպեց Ադրբեջանի ղեկավարին գնալ նման կտրուկ քայլերի։
«Գուցե Ալիևն ինչ-ինչ հույսեր էր կապում վարչապետ Նիկոլ Փաշինյանի հետ։ Գուցե ունեին ակնկալիքներ, որ Փաշինյանին ինչ-ինչ երաշխիքներ տալով սահմանային ամբողջ գծով մենամարտեր չանելու վերաբերյալ, դրա դիմաց կստանան իրենց ձեռնտու քաղաքական կոմպրոմիսային լուծումներ։
Փաստն այն է, որ մինչ 2018թ․-ը սահմանում կրակում էին, բայց դրանից հետո մինչև տավուշյան դեպքերը միջադեպերը նվազել էին, բայց ինչ-որ մի փուլից սկսած այն վերսկսվեց։ Նշանակում է՝ ինչ որ մի պայմանավորվածություն՝ վերալակային կամ այլ, սկսել են չկատարվել, որը Ալիևին մղեց նման գործողություների, այն էլ հայ-ադրբեջանական սահմանում»,- կարծում է Հակոբյանը։
Շարունակությունը՝ տեսանյութում։
--0--ԿԿ