ԵՐԵՎԱՆ, ՀՈՒԼԻՍԻ 23, 24News
ԱԺ «Բարգավաճ Հայաստան» խմբակցության քարտուղար Արման Աբովյանը ֆեյսբուքյան իր էջում գրել է.
«Ինչպես և կանխատեսում էինք, ադրբեջանցիները շատ ակտիվ տեղափոխում են արցախա֊ադրբեջանական հակամարտությունը երրորդ երկրների տարածք։ Ռուսաստանի ծիրան-գեյթը, Բեռլինում այսօր այրված ՀՀ դեսպանատան մեքենան, Վրաստանի իշխանություններին ակնհայտ շանտաժի ենթարկելը և տասնյակ սադրանքներ հայերի նկատմամբ տարբեր երկրներում։
Այս իրադարձությունների շղթան միամիտ չէ, այլ ադրբեջանցիների կողմից շատ հստակ և հաշվարկված քայլեր են, որոնք հետապնդում են արցախյան հակամարտության շուրջ հանրային աղմուկի բարձրացում տարբեր երկրներում։
Այս տեխնոլոգիան առհասարակ կիրառվում է, երբ սրացման հեղինակները (մեր պարագայում՝ Ադրբեջանի ղեկավարությունը) նախապատրասվում է դիմել ինչ-որ լուրջ հարձակողական քայլերի, այս ագրեսիվ աղմուկով փորձել նախօրոք նախապատրաստել հանրային կարծիքը տարբեր երկրներում։
Հաշվի առնելով ադրբեջանցիների գործողությունների տրամաբանությունը ներքին,արտաքին,ռազմական և դիվանագիտական ճակատներում՝ կարելի է միանշանակ կարծիք հայտնել, որ ադրբեջանցիները և թուրքերը նախապատրաստվում են լուրջ սադրանքների:
Զգոնություն մեզ...»:
--0--ԿԿ